خطوات تسجيل مولود سوري جديد في مصر

الخطوات:
1)- أخذ اخطار ولادة من المستشفى أو من الطبية أو من القابلة في حالة الولادة في المنزل و عليها توقيع و ختم الطبيبة و رقم القيد للطبيبة .
2)- توجه الأب إلى أقرب مكتب صحة في المنطقة التي يسكن فيها و معه جواز سفره و جواز سفر الأم و دفتر العائلة لعمل شهادة الميلاد ( لونها أخضر ) .
3)- الذهاب إلى وزارة الصحة شارع الفلكي خلف مجلس الشعب (قريب من التحرير) و تصديق شهادة الميلاد .
4)- الذهاب إلى مكتب التصديقات وزارة الخارجية لتصديقها .
5)- الذهاب للسفارة السورية مصطحباً الشهادة مصدقة و دفتر العائلة و جواز سفر الأب و الأم ( بحجز دور أحوال مدنية ) .
6)- سيتم منحك بيان ولادة مصدق من السفارة السورية .
7)- يتم تصديق بيان الولادة من الخارجية المصرية و ارساله إلى سوريا و تصديقه من وزارة الخارجية السورية ثم تسجيله في النفوس التابع لها و يتم تسجيله في النفوس خلال يومين و بذلك أصبح المولود مقيد في السجلات و على الحاسب في النفوس .
 
 
مشاركة من احد الاصدقاء
يلي اجاه مولود هون بمصر وما طالعلو جواز سفر بالسفارة والأم بدها تنزل على سوريا فيها تنزل المولود معها وتطالعلو جواز بسوريا وترجعو معها وهي الإجراءات
اول شي بتحجز دور بالسفاره وبتكون آخد معك شهادة ميلاد الطفل واذا مسلمها بالسفارة بتطالع ورقة اسمها ورقة كمبيوتر من اي قسم شرطة قريب عليك وورقة تسجيل الولد تبع السفارة لما سجلتو بالسفارة مع صورة عنها وبالسفارة بتطالع ورقة اسمها وثيقة مرور مدتها خمسة وعشرين يوم بعدين بتحجز تكت طيران من السورية بعدين بتروح على مجمع التحرير بدك تعمل استمارة متل استمارة الاقامة وبتختم عليها ختم اسمو ختم التسجيل شباك رقم 55 الطابق الاول وختم النسر كمان طابق اول بعدين بتاخد استمارتك وبتروح على مكان اقامتك مع ورقة المرور وشهادة الميلاد وبسبورك يلي عليه الاقامة السنوية وبتسلمون ياها بقلك بعد اسبوع مثلا تعال ع تنفيذ بيعطيك وثيقة المرور عليها اقامة بس مدتها خمسة و عشرين يوم بس لبين ماتحسن تطلع الولد من مطار القاهرة بس وبالشام بتعملو جواز عادي لما بتصير بالشام اول شي بدو يكون الاب طالع نظامي من البلد
تاني شي بتروح عالمحكمة الشرعية بتطالع وصاية شرعية انو هية الوصي عالولد طبعا هاد الحكي للأم بس طالعت الوصاية بتروح عالهجرة والجوازات بتقدم على جواز بكلف ١٢٠٠٠ ليرة سورية والوصاية بتكلف الف ليرة وبتاخد الجواز بعد اسبوع لما تاخد الجواز بتروح عالقنصلية المصرية بكفرسوسة بيحطولها عليه اقامة كمان مدتها خمسةوعشرين يوم مشان تقدر تدخل الولد من مطار القاهرة بضل الجواز عندهم يومين بعدين بتاخدو مع اقامة وهيك بتكون امورها كلها نظامي
ملاحظة : مده الجواز ست سنين مو سنتين
وفي ورقه بتطالعها الام كمان هي بالمحكمه بالشام انو فيها تطالع الولد معها على مصر كونو ابوه مسافر بس بشرط يكون نظامي مسافر هي ضرورية بيطلبوها منها بالمطار وبتصدقها من الخارجيه السوريه كمان بكفر سوسة
والله يوفق الجميع…
ملاحظة: المقال منقول من صفحة الجالية السورية في مصر على الفيس بوك
3/11/2019| فريق صفحة الجالية السورية في مصر